السلام عليكم ورحمة الله وبركاته
حلى لذيذ وسريع بس المهم انه يضل بالثلاجه على الاقل ساعه واكثر
المقادير
كيك العائله بالشكولاته"ساريتا" (وممكن وضع بسكويت الشاي..بس بالكيك الذ)
علبة قشطه
4 حبات جبن كيري
3 ملاعق كبيره حليب بودره
2 ظرف دريم ويب
1 ملعقه صغيره نيسكافيه
2 ملعقه وسط شكولاته بودره
1 فنجان قهوه سكر
الطريقه.....
1/نرص الكيك بعد تقطيعه الى شرائح في صينية بايركس( واذا كان البسكويت هو المستخدم نبله في الحليب السائل ونرصه في البايركس طبقتين )
2/في الخلاط نضع المقادير الباقيه ( القشطه+الكيري+الحليب+الدريم ويب+النيسكافيه+الشكولاته+السكر ) وتخلط جيدا حتى يتجانس الخليط ( اذا كان الخليط ثقيل نضع قليل جدا من الماءفي فنجان قهوه صغير المهم الخلطه تكون متوسطة الكثافه مو خفيفه )
3/نصب الخليط فوق الكيك في البايركس ونزين الوجه اما برشة شكولاته بودره أو رشة نيسكافيه أو شكولاته هيرشي السائله
4/تدخل الثلاجه لتتماسك وكل ماطولت بالثلاجه كل ماكانت متماسكه اكثر
والف صحه وعافيه
[b]